Skriftlig spørsmålTil behandling

Spørsmål 743 · 2026-2027

Stortinget ba regjeringa 19. juni i år, saman med faglaga om å koma fram til tiltak som kan auka tilførselen av økologisk mjølk. Etterspørselen er stor, men bøndene som produserer økomjølk får ikkje levert mjølka. Har regjeringa nå kome fram til tiltak som vil sikra nok økologisk mjølk i 2027, og korleis vil landbruksministeren sikra at me har nok norskprodusert økologisk mjølk tilgjengeleg for aktørane som ønskjer å selja økologiske produkt til den norske forbrukaren, på kort og lang sikt?

Ordlyd

Spørsmålet

Stortinget ba regjeringa 19. juni i år, saman med faglaga om å koma fram til tiltak som kan auka tilførselen av økologisk mjølk. Etterspørselen er stor, men bøndene som produserer økomjølk får ikkje levert mjølka. Har regjeringa nå kome fram til tiltak som vil sikra nok økologisk mjølk i 2027, og korleis vil landbruksministeren sikra at me har nok norskprodusert økologisk mjølk tilgjengeleg for aktørane som ønskjer å selja økologiske produkt til den norske forbrukaren, på kort og lang sikt?

Begrunnelse

Bakgrunnen for spørsmålet

Det er framleis mangel på økologisk mjølk i butikkane i Noreg. Aktørar i verdikjeda får ikkje det dei bestiller fordi det er for lite mjølk tilgjengeleg. I tillegg får ikkje nye aktørar på langt nær det dei treng for å dekka behovet sitt. Men også Rørosmeieret, som har vore med på å bygga opp ei velfungerande verdikjede for økologisk mjølk i lang tid, får ikkje det volumet dei etterspør. Det økologiske miljøet og Rørosmeieriet har i lang tid varsla at det vil bli for lite økologisk mjølk, og nå ser me dette som eit faktum. Dette er uheldig då konsekvensen er auka import av økologisk mjølk. Eit fleirtal på Stortinget beståande av AP, SV, MDG, R, Sp, V og KRF vedtok i samband med behandlinga av jordbruksforhandlingane 2026-2027 å be regjeringa, saman med faglaga, vurdera tiltak som kan bidra til auka tilførsel av norsk økologisk mjølk, på kort og lang sikt, slik at etterspørselen blir dekka. Økologisk mjølk er ein viktig produksjon for norsk landbruk. Norsk landbrukspolitikk baserer seg på at me skal ha landbruk over heile landet, dette gjeld også for økologisk produksjon. Det er derfor svært uheldig at område som er typiske mjølkeregionar i Noreg ikkje har høve til å driva økologisk mjølkeproduksjon i dag då Norsk melkeråvare ikkje ønskjer å henta denne mjølka som økologisk. I dag gjeld dette i Agder, Rogaland, Vestland og Møre og Romsdal, Nordland og Troms. Alle desse områda er svært godt eigna til økologisk mjølkeproduksjon og me har også framleis klynger i Vestland og i Nord-Noreg som det ville vera mogleg å henta inn mjølka frå og på sikt stimulera til større produksjon rundt desse klyngene. Me har eit politisk mål om 10% økologisk produksjon i Noreg innan 2032, som også viser til at det skal henga saman med auka forbruk. Nå har me eit auka forbruk og auka etterspørsel etter økologisk mjølk som det er viktig me får dekka opp både på kort og lang sikt med norsk råvare.

Kilde: Stortingets åpne data – enkeltspørsmål. Teksten gjengis fra den offisielle datakilden.

Tilbake til alle spørsmål